Dövlət Departamenti xarici nümayəndəliklərinin əməkdaşlarına cinayətkarların özlərini Dövlət Departamentinin işçiləri kimi təqdim etdikləri mümkün saxtakarlıqlar barədə tərəfdaşlarına məlumat verməyi əmr edən sirkulyar dərc edib. Bu barədə CNN telekanalı məlumat yayıb.
Sənəddə qeyd edilir ki, amerikalı diplomatlar “xarici tərəfdaşlara kibercinayətkarların özlərini dövlət məmurları kimi təqdim etdikləri və saxta hesablar açdıqları barədə xəbərdarlıq etməlidirlər”. Bundan əlavə, telekanal aydınlaşdırır ki, bu, Dövlət Departamentinin monitorinq etdiyi “iki kampaniyadan biridir” və “hücum edənlər özlərini departament işçiləri kimi təqdim edirlər”.
ABŞ-ın xarici tərəfdaşları insidentlər barədə FTB-yə məlumat verməyə təşviq edilir. Amerikalı diplomatlar Dövlət Departamentinin Daxili Təhlükəsizlik Xidməti ilə əlaqə saxlamalıdırlar.
FTB bu məlumatı CNN-ə şərh etməkdən imtina edib.