İndoneziya prezidenti Prabowo Subianto bildirib ki, Amerika lideri Donald Tramp onu 2025-ci ilin sentyabr və ya oktyabrında baş tuta biləcək ABŞ-a görüşə dəvət edib.
Tempo ondan sitat gətirib: “O, bəlkə sentyabr və ya oktyabrda dedi . İndoneziya lideri zarafat edib ki, dəvəti qəbul etməkdə bir az tərəddüd edir, Trampın onu qolf oynamağa dəvət edə biləcəyindən ehtiyatlanır. “Mən çox pis qolfçuyam. Şəxsi qolf dərslərinə ehtiyacım var. Əvvəllər bu sahədə kifayət qədər yaxşı idim, amma indi o qədər də yaxşı oynamıram” dedi.
İyulun əvvəlində Tramp İndoneziya da daxil olmaqla bir sıra ölkələrin liderlərinə avqustun 1-dən əlavə tariflər tətbiq etmək niyyəti barədə məktublar göndərib. ABŞ-ın İndoneziya mallarına rüsumları 32% olmalı idi. İndoneziya səlahiyyətliləri, ticarət tariflərinin azaldılması halında Amerika neft, qaz və kənd təsərrüfatı mallarının idxalını artırmağa hazır olduqlarını açıqladılar. İyulun 15-də Tramp ABŞ-ın İndoneziya ilə ticarət sazişi bağladığını və Vaşinqtonun İndoneziya idxalına tarif dərəcəsini 32%-dən 19%-ə endirəcəyini açıqlayıb. (Tass)