İranın nüvə obyektlərinə zərbə endirmək planı ABŞ-ın keçmiş prezidenti Co Baydenin dövründə hazırlanmağa başlayıb. Bu barədə mənbələrə istinadən NBC News məlumat yayıb.
“Bu, uzun sürən bir hava kampaniyası olardı” deyib kanalın mənbəsi. Onun sözlərinə görə, ABŞ Mərkəzi Komandanlığı (CENTCOM) 2024-cü ilin payızında “hərtərəfli” zərbə planı hazırlamağa başlayıb. Ehtimal edilirdi ki, İranın nüvə proqramını tamamilə dayandırmaq üçün altı obyektə bir neçə zərbə endirilməli olacaq.
Qeyd olunur ki, bu plan İslam Respublikasının hava hücumundan müdafiə sistemlərinin və ballistik raket anbarlarının məhv edilməsini də nəzərdə tuturdu. Eyni zamanda, Amerika hakimiyyəti Yaxın Şərqdəki hərbi bazalarına cavab zərbələri endirməyə hazırlaşırdı. ABŞ prezidenti Donald Tramp administrasiyasının bir sıra rəsmiləri hesab edirdilər ki, İrana hücum üçün “genişlənmiş” plan “məqbul görünür”. (Tass)