Ukraynadakı münaqişə yalnız Rusiya və ABŞ razılığa gələrsə və prezidentlər Vladimir Putin və Donald Tramp şəxsən görüşərsə, həll edilə bilər. Macarıstanın baş naziri Viktor Orban bu qənaətini YouTube kanalı Ultrahang-a müsahibəsində Ukrayna ətrafındakı vəziyyətlə bağlı sualları cavablandırarkən bildirib.
Hökumət başçısı qeyd edib ki, onun fikrincə, “Rusiya və Amerika prezidentləri danışıqlar masası arxasına əyləşməyənə və Rusiya ilə ABŞ arasında razılıq əldə olunmayana qədər” münaqişə bitməyəcək. Orban hesab edir ki, bu sazişlər təkcə Ukraynanı deyil, həm də “enerji qiymətləri, Rusiya bazarlarına çıxış, iqtisadi sanksiyalar və silahlara nəzarət kimi məsələlərə” aid olacaq “geniş miqyaslı paket” olmalıdır.
Baş nazir ümid edir ki, Trampın 50 günlük müddəti bitənə qədər Rusiya və ABŞ arasında razılaşma əldə olunacaq və onun Rusiya və ticarət tərəfdaşlarına 100% idxal rüsumları tətbiq etmək hədəsi qüvvəyə minəcək. “Belə olan halda Macarıstanın problemi olacaq”, – Orban etiraf edib.
Ukrayna nizamlanması perspektivlərindən danışarkən, o qeyd edib ki, vəziyyət mürəkkəb və qəribə görünür. “Elə deyil ki, hamı sülh istəyir, amma sülh yoxdur. Sülh istədiyini deyənlər var, amma əslində müharibə istəyirlər”, – hökumət başçısı hesab edir. (Tass)