ABŞ prezidenti Donald Tramp baş prokuror Pam Bondidən amerikalı maliyyəçi Ceffri Epşteynin işi üzrə münsiflər heyəti qarşısında ifadələrinin stenoqramlarını açıqlamasını istəyib.
“Mən baş prokuror Pam Bondidən məhkəmənin təsdiqi ilə böyük münsiflər heyətinə bütün lazımi ifadələri verməsini xahiş etdim”, – Tramp özünün Truth Social səhifəsində yazıb. Baş prokuror da öz növbəsində məhkəməyə müvafiq sorğu göndərməyə hazır olduğunu bildirib.
O, qərarını uşaqlara təcavüzdə və bu qəbildən olan digər ağır cinayətlərdə təqsirli bilinən Epstein işi ilə bağlı “gülünc reklam”la əsaslandırıb. Amerika prezidentinin sözlərinə görə, baş verənləri ABŞ-ın Demokratlar Partiyası təşkil edib və “buna dərhal son qoymaq lazımdır”. (Tass)