Moskva və Kiyevin bir-birinə verdiyi sülh yolu ilə nizamlanma haqqında memorandumlar layihəsi birbaşa Rusiya-Ukrayna danışıqlarının üçüncü raundunun əsas mövzusu olmalıdır. Bu barədə Rusiya prezidentinin mətbuat katibi Dmitri Peskov brifinqdə bildirib.
“Danışıqların mövzusu kifayət qədər mürəkkəbdir: digər məsələlərlə yanaşı, əlbəttə ki, ikinci raundda mübadilə edilən həmin memorandum layihələrini də müzakirə etmək lazım gələcək”, – Kreml nümayəndəsi bildirib.
İyunun 2-də İstanbulda Rusiya və Ukrayna arasında danışıqların ikinci raundu keçirilib. Danışıqlardan sonra tərəflər sülh yolu ilə nizamlanmaya dair memorandum layihələri mübadiləsi aparıb, həmçinin ağır yaralı hərbi əsirlərin və həlak olanların cəsədlərinin mübadiləsi barədə razılığa gəliblər. Moskva bir neçə min ölü cəsədini Kiyevə təhvil verib. (Tass)