CNN telekanalı ABŞ prezidenti Donald Trampın bir neçə il əvvəl yetkinlik yaşına çatmayanlara təcavüz və bu qəbildən olan digər ağır cinayətlərdə təqsirli bilinən amerikalı maliyyəçi Cefri Epşteynlə birlikdə olduğunu əks etdirən, əvvəllər dərc olunmamış foto və videoları yayıb.
Telekanalın məlumatına görə, Tramp və Epşteyn hələ 1980-ci illərdə görüşüb. O vaxtdan bəri Epstein Trampın da qatıldığı ictimai tədbirlərə qatılıb. Xüsusən də, maliyyəçi 1993-cü ildə Trampın aktrisa Marla Mapleslə toy mərasimində iştirak edib, 1999-cu ildə isə o, Victoria’s Secret alt paltarı nümayişində hazırkı ABŞ lideri ilə birlikdə yaxalanıb. CNN iddia edir ki, görüntülərdə Tramp və Epstein şoudan əvvəl “gülür və söhbət edir”.
Trampın özü də CNN ilə söhbətində toy şəkillərinə münasibət bildirərək, “Məni zarafat edirsən” cavabını verib, kanalın materiallarını dəfələrlə “saxta xəbər” adlandırıb və telefonu qapatıb. Ağ Evin kommunikasiyalar üzrə direktoru Stiven Çun bildirib ki, materiallar “kontekstdən çıxarılan irimiqyaslı hadisələrin zərərsiz videoları və fotolarından başqa bir şey deyil”. (Tass)