İran nüvə məsələləri və Qərbin sanksiyalarının bərpası təhlükəsi ilə bağlı mövqeyini Rusiya və Çinlə əlaqələndirir, Tehranın isə Moskva və Pekinlə strateji əlaqələri var. Bunu Nyu-Yorkda BMT tədbirlərində iştirak edən İran xarici işlər nazirinin müavini Kazem Qaribabadi deyib.
“Bizim Çin və Rusiya ilə çox konstruktiv və yaxşı münasibətlərimiz var. Mən onları strateji münasibətlər adlandıra bilərəm. Bizim Rusiya ilə strateji tərəfdaşlıq sazişimiz var”, – o, jurnalistlər üçün keçirdiyi brifinqdə qeyd edib.
İran xarici işlər nazirinin müavini Tehranın nüvə dosyesini və xüsusən də Qərbin ona qarşı sanksiyalar rejiminin bərpası ilə bağlı təhdidlərini şərh edərkən vurğulayıb: “Biz bu mühüm məsələlər ətrafında daim fikir mübadiləsi aparırıq və mövqelərimizi əlaqələndiririk”. “Çin və Rusiya [sanksiyaların] bərpası üçün bu mexanizmdən sui-istifadənin əleyhinədirlər, buna qarşıdırlar”, – Qaribabadi əminliyini ifadəedib. Onun sözlərinə görə, “JCPOA-nın üç iştirakçısı kimi İran, Çin və Rusiya öz mövqelərini əlaqələndirəcəklər”. “Və biz bu məsələdə vahid mövqe hazırlayacağıq”, – nazir müavini İrana qarşı sanksiyaların bərpası perspektivlərinə toxunaraq deyib. JCPOA 2015-ci ildə Böyük Britaniya, Almaniya, Çin, Rusiya, ABŞ və Fransa tərəfindən İranla imzalanmış Birgə Hərtərəfli Fəaliyyət Planıdır.