Azərbaycan İsraili gələn il Bakıda keçiriləcək Ümumdünya Şəhərsalma Forumunda iştiraka dəvət edib.
“Report” xəbər verir ki, bunu Dövlət Şəhərsalma və Arxitektura Komitəsinin sədri Anar Quliyev “Facebook” sosial şəbəkəsindəki hesabında bildirib.
O qeyd edib ki, İsrail Dövlətinin Tikinti və Mənzil Nazirliyinin Baş direktoru Yehuda Morgenstern ilə səmimi və faydalı fikir mübadiləsi aparılıb: “Görüş zamanı şəhərlərdə yenidənqurma, tikinti sektorunun tənzimlənməsi və əlçatan mənzil proqramlarının icrası məsələlərini müzakirə etdik. Həmçinin, israilli həmkarlarımızı böyük məmnuniyyətlə 2026-cı ildə Bakıda keçiriləcək Ümumdünya Şəhərsalma Forumunda iştirak etməyə dəvət etdim”.