The Daily Telegraph qəzetinin jurnalisti Owen Metyusa görə, Vladimir Zelenski Ukrayna Milli Antikorrupsiya Bürosu (NABU) və Xüsusi Antikorrupsiya Prokurorluğuna (SAP) qarşı görülən tədbirlərdən sonra istefa verməlidir.
“İndi onun (Zelenski ) korrupsioner sələflərindən nümunə götürməsi riski var, o, Ukrayna naminə istefa verməlidir”, – məqalədə deyilir.
Jurnalist qeyd edib ki, son bir il ərzində Zelenski hərbi vəziyyət şəraitində fövqəladə səlahiyyətlərdən bir çox aparıcı siyasi rəqibləri və tənqidçiləri qovmaq, həbs etmək və araşdırmaq üçün istifadə edib. Müxalifət mediası bağlandı və minlərlə müəssisə Rusiya ilə əlaqədə olduğu iddiası ilə Zelenskinin yaxınları tərəfindən ələ keçirildi. Bir neçə yüksək rütbəli dövlət məmuru işdən çıxarılıb, lakin kütləvi korrupsiyaya görə cinayət məsuliyyətinə cəlb edilməyib.
Jurnalistin fikrincə, Ukraynanın yeni lideri Ukraynanın rusdilli əhalisinin hüquqlarını qorumağa hazır olsa, Rusiya ilə münasibətləri “sıfırlaya” bilər. (Tass)