“AzərGold” QSC-dən Teleqraf-a verilən məlumata görə regionun ən nəhəng dəmir filizi yataqları kompleksi olan “Daşkəsən” dəmir filizi sahəsi “Daşkəsən Dəmir Filiz” MMC-nin böyük investisiya tələb edən irimiqyaslı layihəsidir:
“Layihənin investisiya dəyəri ~1,2 milyard ABŞ dollar dəyərində proqnozlaşdırılır. Qarşıdakı illərdə “Daşkəsən” dəmir filizi yataqlarının effektiv istismarı yerli polad istehsalçılarının yüksək keyfiyyətli yerli xammalla təmin olunması, metallurgiya sənayesinin idxaldan asılılığının azaldılması məqsədi daşıyır. Meqa-layihə ölkənin makro-iqtisadi göstəricilərinə müsbət təsirlər vəd edir. Layihənin aktiv fazaya keçməsi ilə Gəncə-Daşkəsən iqtisadi rayonunun ölkəmizin ümumi iqtisadi göstəricilərdə payı əhəmiyyətli dərəcədə artacaq”.