Avropa İttifaqı (Aİ) sərnişinlərə iki litrə qədər maye daşımağa icazə verən əl yükündə mayelərin daşınması qaydalarını dəyişmək niyyətindədir. Bu barədə iyulun 26-da Euronews telekanalı Avropa Komissiyasına (AK) istinadən məlumat verib.
Qeyd olunur ki, bu təşəbbüs çərçivəsində sərnişinlərdən həcmi 100 ml ilə məhdudlaşan qablarda maye daşımaq tələb olunmayacaq.
Məqalədə deyilir: “İri maye qablarının içini skan edə bilən hava limanının skrininq avadanlığı tezliklə Aİ-də yayıla bilər ki, bu da sərnişinlərə uçuş zamanı 100 ml-ə qədər butulkalarla məhdudlaşmamağa imkan verir”.
Eyni zamanda, əvvəllər daşınan mayelərin həcminə tətbiq edilən məhdudiyyətlər rentgen skanerləri kimi aşkarlama sistemlərinin maye partlayıcı maddələri effektiv aşkarlaya bilməməsi ilə izah edilib. Bu problemləri həll etmək üçün Aİ hava limanları ən son nəsil skaner avadanlığı ilə təchiz ediləcək.