Avstriyanın xarici işlər naziri Beate Meinl-Reisinger Rusiyanın Ukraynanın şərqində uğur qazanmasına, digər məsələlərlə yanaşı, Amerika lideri Donald Trampın siyasətinin də yardımçı olduğu fikrini ifadə edib.
Nazir iyulun 26-da “Welt am Sonntag” qəzetinə müsahibəsində deyib: “ABŞ prezidenti Tramp Putinə Krımı və bir neçə şərq regionunu, belə demək mümkünsə, gümüş nimçədə təhvil verib”.
Bundan başqa, Meinl-Reisenger qeyd edib ki, Amerika administrasiyasının rəhbərinin Ukraynanın NATO-ya daxil olması ehtimalını istisna etməsi də Rusiya üçün müsbət haldır.
Martın 13-də ABŞ prezidenti Donald Tramp Ağ Evin Oval kabinetində NATO-nun baş katibi Mark Rutte ilə görüşündə qeyd edib ki, Ukraynanın alyansa qoşulmaq istəyinin cavabı hər kəsə məlumdur. Onun sözlərinə görə, ukraynalılar bu cavabı 40 ildir bilirlər. İyunun 24-25-də Haaqada NATO-nun sammiti keçirilib. Onun yekun bəyanatı 2024-cü ildə Vaşinqtonda keçirilən son sammitin yekun sənədində deyildiyi kimi, Ukraynanın üzvlük variantlarından və ya “NATO-ya dönməz yoldan” bəhs edilmədən yalnız hərbi təchizatdan bəhs edir. (Tass)