Avropa Parlamentinin 40 nəfərlik üzvü Avropa İttifaqını İsrail hakimiyyətinə qarşı sanksiyalar tətbiq etməyə və bu ölkə ilə ticarət sazişini dayandırmağa çağırıb. Bu barədə Euronews telekanalı parlamentarilərin əldə etdiyi birgə bəyanata istinadən məlumat yayıb.
Sənəddə Aİ-nin 14 ölkəsinin qanunvericiləri baş nazir Benyamin Netanyahunun rəhbərlik etdiyi İsrail hökumətini “Cenevrə Konvensiyasını və beynəlxalq humanitar hüququ kobud şəkildə pozan” hərəkətlərə görə cavabdehlik tələb etməkdə israr edir, Brüsseldən Qəzza zolağında baş verən humanitar böhranla bağlı qəti addımlar atmağı tələb edir. Xəbər verildiyi kimi, Avropa Parlamenti üzvləri birbaşa olaraq İsrail hakimiyyətinə qarşı sanksiyaların tətbiqinə, həmçinin İsraillə Aİ-nin Assosiasiya Sazişinin dayandırılmasına çağırırlar. 2000-ci ildə qüvvəyə minən sənəd yəhudi dövlətinə icmada ticarət imtiyazları, həmçinin bir sıra Avropa maliyyələşdirmə proqramlarına çıxış imkanı verir.
Millət vəkilləri “Qəzzada baş verən vəhşiliklərə” cavab olaraq “tez hərəkətə keçməyə” çağırır və “mənəvi qorxaqlığın vaxtının bitdiyini” vurğulayırlar. İsveç Avropa Parlamentinin deputatı Evin İncir Euronews-a bildirib ki, “Narahatlığımız həm Avropa Komissiyasına, həm də baş verən humanitar böhrana daha qətiyyətlə cavab verməli olan Aİ üzv dövlətlərinə ünvanlanıb”.