Portuqaliyanın Səhiyyə Baş İdarəsi son bir həftədə həddindən artıq istilərin 264 nəfərin ölümünə səbəb olduğunu açıqlayıb. Hökumət yeni isti dalğası ilə əlaqədar həyəcan vəziyyəti elan edib və meşə yanğınları riskinə qarşı mübarizə tədbirləri görüb.
DGS-nin açıqladığı məlumatlara görə, həddindən artıq istilər xüsusilə xroniki xəstəlikləri olan və 75 yaşdan yuxarı insanlar arasında ölümlərə səbəb olub.Son bir həftədə əsasən ölkənin şimal bölgələrində 264 nəfər istilərlə bağlı sağlamlıq problemləri səbəbindən həyatını itirib.
DGS, həddindən artıq istilərin bu dövr ərzində normal olaraq təxmin edilən ölüm sayının 21,2 faiz artmasına səbəb olduğunu bildirib.