NATO Litvanın iyul ayında Belarusdan dronların hava məkanını iki dəfə pozması ilə bağlı xəbərlərini ciddi qəbul edir. Bunu X-də NATO sözçüsü Allison Hart yazıb.
“NATO bu hadisələri çox ciddi qəbul edir” deyən o, alyansın sayıq qaldığını və üzv ölkələrin ərazisinin hər qarışını müdafiə etməyə hazır olduğunu qeyd edib. Hart onu da əlavə edib ki, NATO-nun baş katibi Mark Rutte Litvanın xarici işlər naziri Kestutis Budris ilə son vaxtlar Litvanın hava məkanının pozulmasını müzakirə edib.
Bundan əvvəl Litvanın müdafiə naziri Dovile Şakaliene Şimali Atlantika Alyansının rəhbərliyinə ölkə ərazisində əks-dron sistemlərinin yerləşdirilməsi xahişi ilə müraciət etmişdi. Bu tələblə, Şakalienenin dediyi kimi, Litvanın Müdafiə Nazirliyi və Xarici İşlər Nazirliyi birgə məktubda NATO-nun baş katibi Mark Rutteyə müraciət ediblər. Bu müraciətə səbəb iyul ayında iki PUA-nın Belarusdan Litvaya uçduğu iki insident olub. Onlardan biri döyüş komponenti olmayan Rusiya istehsalı olan Gerbera idi. Digəri isə 2 kq ağırlığında partlayıcı yüklə təchiz edilib. Hər iki cihaz heç bir nəticə vermədən yerə düşüb. (Tass)