Polşanın baş naziri Donald Tusk Vladimir Zelenski ilə telefon danışığından sonra Ukraynada hərbi əməliyyatların yaxın gələcəkdə dayandırılmasını mümkün hesab etdiyini bildirib.
“Müəyyən siqnallar var, məndə də belə bir təsəvvür var ki, münaqişənin dondurulması – müharibənin sonu deyil, münaqişənin dondurulması – uzaqda olduğundan daha yaxın görünür. Buna müəyyən ümidlər var”, – Tusk TVP İnfo kanalı tərəfindən yayımlanan mətbuat konfransında deyib.
Polşanın baş naziri həmçinin bildirib ki, Kiyev münaqişəyə son qoyacaq sazişin hazırlanmasında Avropanın, xüsusən də Polşanın iştirakına ümid edir.(Tass)