Çin Ticarət Nazirliyinin məlumatına görə, Çin Amerika məhsullarının idxalına tətbiq edilən 24% gömrük tarifinin 90 günlük təxirə salınmasını uzadıb.
“12 avqust 2025-ci il tarixindən etibarən 24%-lik tarifin tətbiqi yenidən 90 gün müddətinə təxirə salınacaq, eyni zamanda bu mallardan alınan 10%-lik rüsum qüvvədə qalacaq”, – agentliyin saytında dərc olunan məlumatda deyilir.
Çin həmçinin Cenevrədə əldə olunmuş razılaşmalara uyğun olaraq ABŞ-a qarşı qeyri-tarif əks-tədbirlərini dayandırmaq və ya ləğv etmək üçün lazımi tədbirlər görəcək.
Avqustun 11-də ABŞ prezidenti Donald Tramp Çinə qarşı rüsumların tətbiqini 90 gün gecikdirdiyini açıqlayıb. (Tass)