Rusiya və ABŞ prezidentləri Vladimir Putin və Donald Trampın Alyaskada görüşü onlara Moskva ilə Vaşinqton arasındakı münasibətlərdə yığılmış bütün məsələləri müzakirə etməyə imkan verməlidir. Bunu brifinqdə Rusiya Xarici İşlər Nazirliyinin İnformasiya və Mətbuat Departamentinin direktor müavini Aleksey Fadeyev deyib.
“Hesab edirik ki, bu görüş liderlərə Ukrayna böhranından başlayaraq beynəlxalq sülhün və sabitliyin təmin edilməsi baxımından son dərəcə vacib olan normal, funksional ikitərəfli dialoqun qurulmasına maneələrlə bitən bütün yığılmış məsələləri müzakirə etməyə imkan verməlidir”, – o deyib. (Tass)