Rusiya prezidenti Vladimir Putin, amerikalı həmkarı Donald Tramp və Vladimir Zelenskinin iştirakı ilə keçiriləcək üçtərəfli görüş Vaşinqtonun Ukraynadakı nizamlanma ilə bağlı suallarına Moskvadan istədiyi cavabı almayana qədər baş tutmayacaq. Tramp bunu avqustun 15-də Vaşinqtonda Con Kennedi adına Performans Sənəti Mərkəzinə səfəri zamanı Putinlə Alyaskada gözlənilən görüşlə bağlı jurnalistlərin suallarını cavablandırarkən deyib.
Amerika lideri əmindir: “Bizim ikinci görüşümüzü keçirəcəyimiz üçün çox yaxşı şans var, o, birincidən daha məhsuldar olacaq”.
“Və bu, tamamilə işə yarayan görüş ola bilər. Lakin ilk görüş nəticə verməyəcək. Baxmayaraq ki, siz çox gözəl anlaşmalar əldə edə bilərsiniz. Bu, çox vacib görüş olacaq. Amma yalnız ikinci görüş üçün zəmin yaradır”, – Tramp hesab edir. “Və prezident Putin, Zelenski və mənim orada olmağımı istəsələr, ikinci görüşümüz olacaq”, – o izah edib.
Onun proqnozuna görə, “ikinci görüş olmaya bilər”. “Əgər mən almalı olduğumuz cavabları almadığım üçün onun keçirilməsini yersiz hesab etsəm. Bu halda ikinci görüş baş tutmayacaq”, – amerikalı lider bəyan edib.