“Financial Times” yazır ki, Vladimir Zelenskinin Ukrayna Milli Antikorrupsiya Bürosuna (NABU) və İxtisaslaşdırılmış Korrupsiyaya Qarşı Mübarizə Prokurorluğuna (SAPO) nəzarəti ələ keçirmək cəhdi onun islahatçı imicinə kölgə salan böyük səhv olub.
Nəşr adı açıqlanmayan avropalı məmurdan sitat gətirir: “Zelenski bunu edə biləcəyini düşündüyü üçün etdi. Bu, böyük səhv idi. Mənfi reaksiyanı qabaqcadan görmək çox asan idi”.
Məqalədə deyilir ki, Zelenski NABU-nu səlahiyyətlərindən məhrum etmək qərarına gəlib, çünki büro ona yaxın olan bir neçə şəxsə qarşı korrupsiya ittihamı irəli sürmək niyyətində idi. Onların arasında məqalədə keçmiş baş nazirin müavini Aleksiy Çernışovun, Zelenskinin “pul kisəsi” adlandırılan iş adamı Timur Mindiçin və prezident aparatının keçmiş rəhbərinin müavini Rostislav Şurmanın da adı çəkilir.
“Zelenski istintaq altında olan yaxın adamlarından uzaqlaşmaq əvəzinə, bir neçə həftə əvvəl təyin etdiyi vəzifəli baş prokurora tabe olan antikorrupsiya orqanlarına genişmiqyaslı addım atmağı dəstəklədi”, – məqalədə deyilir.(Tass)