Çin hakimiyyəti öz üsullarından istifadə edərək Ukrayna böhranının həllinə kömək edəcək. Bu barədə Çin Xarici İşlər Nazirliyinin rəsmi nümayəndəsi Mao Ninq bildirib.
O, brifinqdə atəşkəs razılaşması əldə olunarsa, Çin tərəfinin Ukraynanın təhlükəsizliyinin təminatçısı olmağa hazır olub-olmaması ilə bağlı sualı cavablandırarkən deyib: “Biz tərəfləri öz üsulumuzla danışıqların zəruriliyinə inandırmağa və böhranın siyasi həllinə kömək etməyə davam edəcəyik”.
Eyni zamanda, rəsmi nümayəndə Pekinin hazırkı vəziyyətdə müvafiq təminatların verilməsinə görə məsuliyyəti öz üzərinə götürməyə hazır olduğunu nə təsdiq, nə də təkzib edib. Mao Ninqin qeyd etdiyi kimi, Çinin Ukrayna məsələsində “ardıcıl və aydın mövqeyi” var. (Tass)