Brüsselin Euractiv portalı mənbələrə istinadən iddia edir ki, Aİ liderləri ABŞ prezidenti ilə bu gün və ya həftənin sonuna qədər telefon danışığı aparmağı planlaşdırır.
“Avropalılarla Tramp arasında daha bir virtual görüş çərşənbə axşamı və ya bu həftənin sonunda baş tuta bilər”, – nəşr qeyd edir.
Euractiv-in yazdığı kimi, Avropa liderlərinin ABŞ-a səfəri “müsbət başa çatsa da” bu, əsas məsələlərdə “heç bir aydınlıq gətirmədi”: nə nizamlanmanın özü, nə Kiyev üçün təhlükəsizlik zəmanətlərinin formatı, nə də Rusiya ilə Ukrayna arasında danışıqların perspektivləri.
Avqustun 19-da Avropada “istəklilər koalisiyası” ilə bütün Aİ ölkələrinin liderləri arasında fövqəladə videokonfranslar keçiriləcək və onlar Ukrayna münaqişəsinin nizamlanması məsələsində vahid mövqe hazırlayacaqlar. (Tass)