İsrail qüvvələri Fələstinin eyni adlı anklavında Qəzza şəhərinin Şeyx Radvan məhəlləsində yerləşən məktəbə zərbələr endirib. Qətərin Əl-Cəzirə telekanalının verdiyi məlumata görə , məktəb ərazisi davam edən döyüşlər səbəbindən zolağın digər ərazilərindən qaçan məcburi köçkün fələstinlilər üçün sığınacaq kimi istifadə edilib.
Telekanalın məlumatına görə, hücumda azı 12 nəfər ölüb, yaralıların sayı dəqiqləşdirilir. Qeyd olunur ki, bu gün səhər saatlarında Qəzza zolağında 25 yerli sakin həlak olub, onlardan 23-ü Qəzza şəhərindədir.