Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Azərbaycan Respublikası Təhsil Cəmiyyəti İctimai Birliyinin təşkilatçılığı ilə Bakıda “Tənqidi oxu” – analitik təfəkkürün inkişafına dair təşəbbüslər” qrant layihəsi çərçivəsində nəşr edilən metodik vəsaitin təqdimatı keçirilib.
İctimai Birlikdən AZƏRTAC-a bildirilib ki, metodik vəsaitdə oxuyub-anlamaya aid 5 müxtəlif tədris metodu təqdim olunub, hər birinə dair 3 mətn nümunəsi və onlara uyğun tapşırıqlar verilib. Vəsaitdə müxtəlif oxu üsullarının pedaqoji prosesdə tətbiqi ilə bağlı müəllimlərə verilən praktik tövsiyələr də yer alır.
Sonda layihə iştirakçılarına sertifikatlar və metodik vəsait təqdim olunub.
Tədbir zamanı yeni üzvlərə üzvlük vəsiqələri verilib.