Ynet portalı xəbər verir ki, Qəzza şəhərinin ələ keçirilməsi planının müzakirə olunacağı İsrail Nazirlər Kabinetinin siyasi və təhlükəsizlik məsələləri üzrə iclası üç saatdan az davam edib və regiondakı vəziyyətin müzakirəsinə həsr olunub.
Onun sözlərinə görə, Qəzza zolağı gündəmdə konkret olaraq qeyd olunmayıb. Ynet-in məlumatına görə, avqustun 31-nə Nazirlər Kabinetinin daha bir dar iclası planlaşdırılır və burada Qəzza zolağı üçün əməliyyat planları müzakirə olunacaq.
İsrailin baş naziri Benyamin Netanyahu avqustun 21-də Fələstin anklavına gəlib və burada videomüraciətini yazıb. Orada o, səfərin məqsədinin ordunun Qəzza şəhərini ələ keçirmək planını təsdiqləmək olduğunu bildirib. Bundan əlavə, o, bütün girovların azad edilməsi və “İsrail üçün məqbul şərtlərlə müharibənin dayandırılması” üçün dərhal danışıqlara başlanılması barədə göstəriş verdiyini qeyd edib. Baş nazirin sözlərinə görə, bu iki vəzifə – HƏMAS-ın məğlubiyyəti və bütün girovların azad edilməsi “bir-birinin ardınca gedir”, yəni paralel olaraq həyata keçiriləcək. (Tass)