Almaniya hökuməti müdafiə naziri Boris Pistoriusun Almaniyada hərbi xidmətin yeni modeli haqqında qanun layihəsini qəbul edib. Bu barədə DPA agentliyi mənbələrə istinadən məlumat yayıb.
Qanun layihəsi Almaniyada İsveç modeli üzrə könüllü xidmətin tətbiqini təklif edir. Skandinaviya ölkəsində bütün məktəb məzunları hərbi yoxlamaya məruz qalır, lakin onlardan yalnız bəziləri həqiqi hərbi xidmətdə olurlar. Sənəddə həmçinin “həyata keçirilə bilən elementlər” də var ki, bunlara, xüsusən, çağırışçıların tibbi müayinədən keçməsinin qaytarılması və kişilər tərəfindən onların xidmətə hazır olduqlarını göstərən ərizə formasının məcburi doldurulması daxildir.
Qanun layihəsi indi Bundestaqın müzakirəsinə veriləcək. Qanun qəbul olunarsa, 2026-cı ilin əvvəlindən qüvvəyə minəcək. (Tass)