Belarus prezidenti Aleksandr Lukaşenko danışıqların aparılması üçün əsas kimi Şanxay Əməkdaşlıq Təşkilatına (ŞƏT) aid iki beynəlxalq müqavilə layihəsini təsdiqləyib. BELTA xəbər verir ki, müvafiq sərəncamları respublika rəhbəri imzalayıb .
O cümlədən, Şanxay Əməkdaşlıq Təşkilatına üzv dövlətlər arasında ŞƏT-in Narkotiklərlə Mübarizə Mərkəzi haqqında saziş layihəsi təsdiq edilib. Prezident həmçinin Şanxay Əməkdaşlıq Təşkilatına üzv dövlətlərin təhlükəsizliyinə çağırış və təhdidlərə qarşı mübarizə üzrə Universal Mərkəz haqqında saziş layihəsini təsdiqləyib.
Avqustun 31-dən sentyabrın 1-dək Tyantszin şəhərində keçiriləcək ŞƏT sammitində Rusiya prezidenti Vladimir Putin, Belarus prezidenti də daxil olmaqla 20-dən çox dövlətin rəhbərləri, 10 beynəlxalq təşkilatın rəhbərləri iştirak edəcək. (Tass)