Türkiyənin xarici işlər naziri Hakan Fidan ABŞ dövlət katibi Marko Rubio ilə telefon danışığında Ankaranın Rusiya və Ukrayna arasında nizamlanma prosesi çərçivəsində öhdəliklərini yerinə yetirməyə hazır olduğuna əmin edib.
“Avqustun 28-də xarici işlər naziri Hakan Fidan ABŞ-ın dövlət katibi Marko Rubio ilə telefon danışığı keçirib. Onlar Rusiya və Ukrayna arasında sülhün əldə edilməsinə yönəlmiş səyləri qiymətləndiriblər. Fidan bildirib ki, Türkiyə bu prosesdə üzərinə düşən öhdəlikləri yerinə yetirməyə hazırdır”, – Türkiyənin Xarici İşlər Nazirliyindəki mənbə TASS-a bildirib.
Həmçinin “Qəzza zolağındakı mövcud vəziyyət və atəşkəsə nail olmaq səyləri müzakirə edilib”. Bu kontekstdə Fidan “humanitar vəziyyətin sürətlə yaxşılaşdırılmasının zəruriliyini qeyd edib”. (Tass)