Kanadanın “The Globe and Mail” qəzetinin yazdığına görə, Çin prezidenti Si Cinpin Şanxay Əməkdaşlıq Təşkilatından (ŞƏT) istifadə edərək, İkinci Dünya Müharibəsindən sonra Qərbin əsasını qoyduğu dünya nizamını məhv etməyə çalışır.
“Onun (ÇXR lideri ) “Bir kəmər – bir yol” təşəbbüsü, Çinin BRİKS assosiasiyasında iştirakı ilə yanaşı, Si Cinpinin İkinci Dünya Müharibəsindən sonra yaranmış və aparıcı rolun Qərbə məxsus olduğu dünya nizamını məhv etmək üçün davam edən səylərində əsas alətə çevrildi”, – qəzet yazır. Qəzet qeyd edir ki, ABŞ prezidenti Donald Tramp administrasiyasının sanksiyalarla bağlı hərəkətləri səbəbindən onun çoxdankı tərəfdaş və müttəfiqlərinin ABŞ-dan üz döndərməyə başlaması fonunda bu səylər ikiqat artıb.
Rusiya, Hindistan, İran, Şimali Koreya, Pakistan və Belarus liderlərinin də daxil olduğu ŞƏT iştirakçılarının tərkibi, həmçinin “Çinin diplomatik təsirinin növbəti nümayişinə çevrildi”.
Avqustun 31-dən sentyabrın 1-dək Tyantszin şəhərində keçirilən ŞƏT sammitində Rusiya prezidenti Vladimir Putin də daxil olmaqla 20-dən çox dövlətin rəhbərləri, 10 beynəlxalq təşkilatın nümayəndələri iştirak edib. Sammitin yekunları üzrə 15 yeni əməkdaşlıq sənədi imzalanıb. (Tass)