“Politico” yazır ki, ABŞ və Avropa İttifaqı (Aİ) çətin ki, Türkiyəni Rusiya neftini almağı dayandırmağa məcbur edə bilsin.
“Moskvanın təchizat sisteminə birbaşa bağlı olan “Türk axını” boru kəməri ilə Rusiya enerjisinin əsas alıcısı kimi Türkiyə indiyədək ucuz enerji mənbəyini kəsməkdə maraqlı olmayıb”, – nəşr yazır.
Qeyd olunur ki, “Aİ üzvü olmayan Türkiyəni hər il on milyardlarla dollarlıq Rusiya enerjisi almağı dayandırmağa inandırmaq üçün Brüsselin edə biləcəyi çox az şey var”. ABŞ prezidenti Donald Trampın bu yaxınlarda NATO müttəfiqlərinə Rusiya neftinin idxalını dayandırmağa çağırması da çətin ki, dəyişiklik etsin.
Washington Post daha əvvəl yazıb ki, Türkiyə Rusiyadan neftin əsas alıcılarından biridir və mövcud siyasi vəziyyətə baxmayaraq, Kremllə əlaqələri davam etdirməyə çalışır. (Tass)