Misir, İsrail və Fələstinin Varşavadakı səfirləri Polşa vətəndaşlarının Qəzza zolağından təxliyəsi məsələsi ilə bağlı Polşa Xarici İşlər Nazirliyinə çağırılıb. Bu barədə RMF FM radiostansiyasının efirində Polşa departamentinin rəis müavini Pavel Yablonski bildirib.
“İsrail, Misir və Fələstinin səfirləri təcili olaraq Xarici İşlər Nazirliyinə dəvət olunublar. Biz onlara təzyiq edirik ki, mülki şəxslər, xüsusən də vətəndaşlarımız Qəzzanı tərk edə bilsinlər”, – Yablonski vurğulayıb. O əlavə edib ki, “Polşanın Fələstin, İsrail və Misirdəki diplomatik nümayəndəliklərinin əməkdaşları Qəzza zolağında polyaklarla daimi əlaqə saxlayırlar”.
Radiostansiya qeyd edib ki, hazırda Qəzzada ən azı 29 Polşa vətəndaşı qalır. (Tass)