Ukraynanın ABŞ-dakı yeni səfiri Olqa Stefanişina işinə başlayıb. Bu barədə o, X-də məlumat verib.
“Mən ABŞ-dakı səfir kimi missiyama başlayarkən xalqımızın cəsarətini və möhkəmliyini özümlə gətirirəm” deyə o yazıb.
Stefanişina bundan əvvəl baş nazirin Avropa və Avroatlantik inteqrasiya üzrə müavini – ədliyyə naziri vəzifəsini tutub. Stefanişinanın ABŞ-dakı səfir vəzifəsinə namizədliyi iyul ayında Vladimir Zelenski tərəfindən təklif edilmişdi. Təsdiq prosesi davam edərkən o, ABŞ ilə əməkdaşlığın inkişafı üzrə xüsusi komissar vəzifəsində çalışıb. Avqustun 27-də Zelenski Stefanişynanın ABŞ-a səfir təyin edilməsi haqqında fərman imzalayıb. Bundan əvvəl Oksana Markarova 2021-ci ildən ABŞ-da səfir olub. (Tass)