Yurd.Media xəbər verir ki, bu fikirləri “İctimai TV”-yə açıqlamasında sahibkar Nigar Köçərli deyib.
Məsələ ilə bağlı Respublika Sanitariya-Karantin Mərkəzindən isə bildirilib ki, “Ali və Nino” MMC yayım evindən ölkəyə idxal olunan poliqrafiya məhsullarına gigiyenik sertifikatının verilməsi üçün mərkəzə müraciət daxil olub: “İdxal olunan məhsullardan nümunələr götürülərək, laborator müayinəyə cəlb olunub. Nümunələrdə aparılan laborator analizdərdən sonra fiziki-kimyəvi toksikoloji və mikro-bioloji çirklənməyə məruz qalmaqla orijinal fiziki və kimyəvi xüsusiyyətlərini itirdiyi üçün istifadəyə yararsız hesab olunur. Kitabların geri qaytarılmaması ilə bağlı vurğulanıb ki, sınaq və kolibrləşə laboratoriyalarının səlahiyyətliliyinə və ümimi tələb standartına əsasən, laboratoriyada nümunələrin saxlanması, müəyyən müddət qorunması və məhv edilməsi prosedurları mövcuddur. Əgər nümunə çirklənibsə və ya ilkin vəziyyətini dəyişibsə, müştəriyə qaytarılmır”.
Dövlət Gömrük Komitəsindən edilən açıqlamada deyilib ki, Azərbaycan Respublikası Nazirlər Kabinetinin 2016-cı il 17 iyun tarixli 231 nömrəli qərarı ilə təsdiq edilmiş “Baytarlıq, fitosanitar və sanitariya nəzarətinə aid mallar”ın vahid siyahısına uyğun olaraq poliqrafiya məhsullarının ölkəyə idxalına gigiyenik sertifikat tələb olunur: “Sertifikat təqdim edildikdən sonra gömrük rəsmiləşdirilməsi həyata keçirilməklə idxal olunan mallar təhvil götürülə bilər”.
Məsələnin hüququ izahı ilə bağlı hüquqşünas Rövşən Mərəndski bunları qeyd edib: “Həmin standartlara uyğun olaraq sınaq və kolibrlənmə obyektinin istifadəsi, daşınması, saxlanması, sınaq və kolibrlənməyə hazırlanması zamanı laboratoriya tərəfindən onların xassələrinin korlanmasının, çirklənməsinin, itirilməsinin və zədələnməsinin qarşısının alınması məqsədilə ehtiyat tədbirləri görülməlidir. Daxili istehsal olunan məhsullara və idxal məhsullarına gigiyenik sertifikatının verilməsi üçün inzibati reqlament yalnız yeyinti məhsullarına aiddir. Həmin reqlamentin 3.5 maddəsində qeyd olunur ki, tərəflər arasında mübahisə yarandığı halda məhkəməyə müraciət edə bilərlər”.