ABŞ prezidenti Donald Tramp hesab edir ki, neftin qiymətinin aşağı düşməsi Ukrayna münaqişəsinin sona çatmasına gətirib çıxara bilər. O, bu fikri İngiltərənin baş naziri Key Starmerlə ölkə iqamətgahı olan Çekersdə keçirdiyi birgə mətbuat konfransında bildirib.
Amerika prezidentinin sözlərinə görə, neftin qiyməti aşağı düşərsə, Rusiya rəhbərliyinin “müharibədən çəkilməkdən başqa yolu qalmayacaq”. Tramp həmçinin bəzi Avropa ölkələrinin Rusiyadan neft almasından məyus olduğunu bildirib.