Belarus Polşa ilə münasibətlərdə gərginliyin azaldılmasında maraqlıdır və qonşuları ilə döyüşmək istəmir. Bunu Belarusun müdafiə naziri Viktor Xrenin deyib.
“Biz görürük ki, Polşa hərbçilərinin hərəkət kursu siyasi rəhbərliyin dediklərindən bir qədər fərqlidir. Təbii ki, biz hərbi gərginliyin, xüsusən də gərginliyin azalmasında maraqlıyıq. Polşa, hər şeydən əvvəl, bizim qonşumuzdur. Prezidentimizin dediyi kimi, biz qonşularımızı seçmirik. Biz onlarla vuruşmaq istəmirik”, – o, VGTRK jurnalisti Pavel Zarubinə müsahibəsində deyib. (Tass)
