Azərbaycanda 2026–2030-cu illər üzrə yeni dövlət proqramında milli statistika sisteminin hədəfləri müəyyən edilib.
“Report” xəbər verir ki, bunu Dövlət Statistika Komitəsinin sədri Tahir Budaqov Bakıda keçirilən “Statistikanın inkişaf perspektivləri: beynəlxalq layihələrin rolu” mövzusunda 3-cü Beynəlxalq Statistika Forumunda bildirib.
Onun sözlərinə görə, proqramın prioritetləri beynəlxalq təcrübədən yararlanmaqla milli statistika potensialının gücləndirilməsidir: “Qabaqcıl milli təcrübə əsasında beynəlxalq metodoloji bazanın təkmilləşdirilməsinə töhfə verilməsini, müasir informasiya və kommunikasiya texnologiyalarının tətbiqi ilə statistik innovasiyaların genişləndirilməsini əhatə edir. Bu məqsədlə komitə bir çox beynəlxalq təşkilat və xarici ölkələrin müvafiq qurumları ilə fəal əməkdaşlıq edir”.