ABŞ prezidenti Donald Tramp lazım gələrsə, Ukrayna münaqişəsinin nizamlanmasına yanaşmasını dəyişməyə hazırdır. Bu barədə ABŞ-ın BMT-dəki daimi nümayəndəsi Maykl Vals məlumat verib.
Fox News-da canlı danışan o, Qərb silahlarından istifadə edərək Rusiyanın dərinliklərinə raket zərbələri endirmə ehtimalı ilə bağlı suala birbaşa cavabdan yayınıb. “Mən prezident Tramp, müdafiə naziri Pet Heqseth və dövlət katibi Marko Rubioya bu barədə danışmağa icazə verəcəm. Onlar həm NATO, həm də ukraynalılarla bu məhdudiyyətlər üzərində işləyirlər”, – Vals bildirib. “Lakin burada daha geniş məqam ondan ibarətdir ki, prezident Tramp nə lazımdırsa, edəcək. Və lazım gələrsə, mövqelərini dəyişəcək”, – daimi nümayəndə vurğulayıb.