Avropa Komissiyasının sədri Ursula fon der Leyen yenidən Fransa prezidenti Emmanuel Makrona göndərdiyi mətn mesajları ilə bağlı qalmaqalın mərkəzində olub. Bunu Avropa vətənpərvərləri fraksiyasının sədr müavini Macarıstandan olan deputat Kinga Qal deyib.
“Avropa Ombudsmanı onun [AK rəhbərinin] Aİ-nin Mercosur ilə sövdələşməsi ilə bağlı prezident Makronla yazışmaları ilə bağlı araşdırmaya başlayıb. Pfizer qalmaqalında olduğu kimi, bu mesajlar da yoxa çıxıb”, – o, X-də yazıb.
Qal Avropa Komissiyasının işində şəffaflığın olmadığını qeyd edib və Aİ institutlarında şəffaflığa çağırıb.
İyulun 10-da Strasburqda keçirilən Avropa Parlamentinin sessiyasında COVID-19 vaksinlərinin satın alınmasında korrupsiya iddialarından sonra 25 ildə ilk dəfə fon der Leyenə qarşı etimadsızlıq səsverməsi keçirilib. Lakin səsvermə rədd edildi. İştirak edən 553 üzvdən 360-ı əleyhinə, 175-i lehinə, 18-i isə bitərəf qalıb.