Müharibənin iqtisadi bədəli bir ay Qəzzada qırğın törədən İsrailə ağır oldu. Münaqişə zonasına yaxın olan şirkətlərin üçdə biri qapılarını bağladığı halda, ölkə iqtisadiyyatı çökməyə başladı. Yüzlərlə şirkətin iflas təhlükəsi ilə üz-üzə qaldığını bildirən 300 israilli iqtisadçı Baş nazir Binyamin Netanyahuya açıq məktub yazaraq “Vəziyyətin ciddiliyindən xəbərsizsiniz. Ağlınıza gəlin” çağırışı edib.
Oktyabrın 7-dən Qəzzaya hücum edən İsraildə iqtisadi böhran qapını vurub. Münaqişələr ölkə iqtisadiyyatında durğunluğa və yerli valyutanın ciddi şəkildə ucuzlaşmasına səbəb olub. İsrailli iqtisadçılar bəyan ediblər ki, münaqişələr bitməsə, ölkə iqtisadiyyatını ciddi bir daralma gözləyir.
Böyük Britaniyada çıxan “Financial Times” qəzeti İsraildəki müharibənin səbəb olduğu iqtisadi böhranı manşetlə yazıb. “Müharibə iqtisadiyyata zərbə vuran İsrail müəssisələri çətin vəziyyətdə” başlıqlı xəbəri dərc edən “Financial Times ” Qəzza zolağına yaxın ərazilərdəki müəssisələrin üçdə birinin bağlandığını, yarısından çoxunun isə 50 faiz və ya daha çox gəlir itki verdiyini yazıb. Bələdiyyələr bir çox tikinti obyektlərini bağlamalı olublar. (Haberler.com)