Atəşkəs və ya sülh əldə olunduqdan sonra belə Ukraynada səfərbərlik və hərbi vəziyyət ləğv edilməyəcək. Bu barədə Ali Radanın Milli Təhlükəsizlik, Müdafiə və Kəşfiyyat Komitəsinin katibi bildirib.
“Əgər kimsə düşünürsə ki, atəşkəs dərhal hər şeyi 2021-ci ilə qaytaracaq və hər şey əvvəlki kimi olacaq, bu, qətiyyən belə deyil. Məsələn, hərbi vəziyyət dərhal qaldırılacaqmı? Mən buna şübhə edirəm, çünki Rusiya heç yerə getmir. Əgər o, qoşunlarını təmas xətti boyunca qoyursa, o zaman biz mütləq böyük ordu saxlamalıyıq, ən azı 800, 000 bəlkə də, 600,000 və ya 700,000, hansı təhlükəsizlik təminatlarının olmasından asılı olaraq, amma böyük bir ordu”, o, YouTube kanalında “Böyük Lvov danışır”-da deyib.
Səfərbərlikdən danışan Kostenko deyib ki, hakimiyyət təkcə bunu davam etdirməyəcək, həm də Ukrayna Silahlı Qüvvələrinin yaralı əsgərlərini səfərbər edəcək. “Onda səfərbərlik ləğv ediləcəkmi? Bu, kifayət qədər mürəkkəb sualdır. Bizə ilk günlərdən xidmət edənləri mütləq tərxis etmək lazımdır. Bu, mərhələli şəkildə həyata keçiriləcək, hamını birdən işdən çıxarmaq olmaz. Amma onların yerini başqası tutmalıdır. Ona görə də orada olması lazım olan insanlar səfərbər olunacaq. Məncə, yaralılar səfərbərliyə alınacaq, səfərbərlik davam etdiriləcək”.
Onun sözlərinə görə, Ukrayna kifayət qədər uzun müddət səfərbərlik prosesində qalacaq. “Əgər kimsə atəşkəslə nəyinsə dəyişəcəyini və həyatın 2022-ci ildəki vəziyyətinə qayıtmasını gözləyirsə, yox. Biz başqa problemlərlə üzləşəcəyik – iqtisadi, sosial və s.”