İsrailin baş naziri Benyamin Netanyahu Qətərin baş naziri və xarici işlər naziri Məhəmməd bin Əbdülrəhman Əl Tani ilə telefon danışığında sentyabrın 9-da Dohada radikal Fələstinin HƏMAS hərəkatının liderlərinə hücum edərək ölkənin suverenliyini pozduğuna görə üzr istəyib. Bu barədə İsrail televiziyasının 12-ci kanalı məlumat yayıb.
Telekanalın məlumatına görə, İsrailin baş naziri ABŞ prezidenti Donald Trampın iştirakı ilə Ağ Evdən qətərli həmkarına zəng edib. Telekanal mənbəyə istinadən xəbər verir ki, söhbət zamanı Netanyahu Qətər təhlükəsizlik zabitinin hücumda həlak olmasından təəssüfləndiyini bildirib. (Tass)