Azərbaycan Yazıçılar Birliyinin üzvü, tarix elmləri üzrə fəlsəfə doktoru İradə Əlili və “Əsgərə xatirə ” layihəsinin rəhbəri, publisist Nuranə Şıxaliyevanın birgə hazırladıqları “Şəhidlik dastanı” adlı kitab işıq üzü görüb.
AZƏRTAC xəbər verir ki, Türkiyə şəhidlərinə həsr olunmuş “Şəhidlik dastanı”nda toplanan xatirələr həm Türkiyə, həm də Azərbaycan türkcəsində təqdim edilib. Kitabda şəhidlər haqqında məqalələr, onlar haqqında xatirələr, fotolar öz əksini tapıb.
Qeyd edək ki, İradə Əlilinin həmmüəlifi olduğu “Şəhidlik dastanı” Türkiyə şəhidləri haqqında yazılmış üçüncü kitabıdır. Onun 2022-ci ildə “Kahraman şehit Oğuz Ozgür Çevik”, ”Çubuk şehitleri” kitabları nəşr olunub.