Hollandiya hökuməti krallıqda Fələstin tərəfdarı olan genişmiqyaslı etirazlar fonunda İsrailə təzyiqləri artırmaq və Qəzza zolağında hərbi əməliyyatların dayandırılmasına nail olmaq niyyətindədir. Bu barədə ölkənin baş naziri səlahiyyətlərini icra edən Dik Şof bildirib.
“Bu müharibəyə (Qəzzədəki döyüşlər ) son qoymaq və humanitar vəziyyəti yaxşılaşdırmaq lazımdır. Hökumət İsrail hakimiyyətinin kursu dəyişməsini qətiyyətlə müdafiə edir və bu istiqamətdə təzyiqləri tədricən artırır” deyə Şof X-də yazıb.
“Qəzza xalqının böyük iztirabları qəbuledilməzdir; baş verənlər müdafiə olunmazdır”, – siyasətçi vurğulayıb. O əlavə edib ki, oktyabrın 5-də Amsterdamın mərkəzində Fələstin tərəfdarı olan mitinqdə iştirak edən minlərlə insanın “qəzəb və narahatlığını” anlayır.
“Qəzzada müharibə bitməli, Yaxın Şərqdə davamlı və ədalətli sülh bərqərar edilməlidir. [Hollandiya] hökumətinin və Amsterdam küçələrinə çıxan bütün o minlərlə insanın istədiyi budur”, – Schof yekunlaşdırıb.