ABŞ Daxili Təhlükəsizlik Departamenti katibinin köməkçisi Trisia Maklaflinə istinadən Fox News xəbər verir ki, bu ilin yanvarında Donald Tramp prezidentliyə başlayandan bəri 515 mindən çox sənədsiz immiqrant ABŞ-dan deportasiya edilib.
Onun sözlərinə görə, Trampın prezident kimi birinci ilinin sonuna (2026-cı il yanvarın 20-nə qədər ) deportasiya edilənlərin sayının rekord həddə – 600 minə çatacağı gözlənilir. Maklaflin aydınlaşdırıb ki, ilin əvvəlindən ümumilikdə 2 milyondan çox miqrant ABŞ-ı tərk edib, onlardan təxminən 1,6 milyonu öz istəyi ilə gedib.
Tramp dəfələrlə daha sərt immiqrasiya siyasətinin tərəfdarı olub. O, Amerika tarixində sənədsiz immiqrantların ən böyük deportasiya əməliyyatını həyata keçirmək niyyətində olduğunu bəyan edib. Dəfələrlə bildirilirdi ki, Tramp administrasiyası ABŞ-dan deportasiya edilən miqrantları qəbul etmək üçün üçüncü ölkələrə təzyiq edir. (Tass)