İsrail ordusu hesab edir ki, Fələstinin HƏMAS radikal təşkilatının silahlı qüvvələri Qəzza zolağının şimal hissəsinə nəzarəti itirib. Bu barədə İsrail Müdafiə Qüvvələrinin sözçüsü Daniel Həcəri məlumat verib.
“Bu gün biz Qəzzə şəhərinin 50 min sakininin zolağın şimalından cənubuna necə köçdüyünü gördük. Onlar ora gedirlər, çünki onlar başa düşürlər ki, Həmas zolağın şimal hissəsində nəzarəti itirib, cənubda isə daha təhlükəsiz zona var. Dərman, su və yemək var”, – o, axşam brifinqində deyib.
“HƏMAS şimalda nəzarəti itirib və itirməkdə davam edəcək. Həmas liderlərinin əlaqəsi kəsilib, onlar cəmiyyətlə və bizim qüvvələrimizə qarşı yerdə döyüşən və ölən terrorçuları ilə bütün əlaqəni itiriblər. Onların digərləri ilə də əlaqəsi kəsilib. Onlar yalnız özlərinin sağ qalmasından narahatdırlar. Biz HƏMAS rəhbərliyini harada olursa olsun təqib etməyə və onu məhv etməyə davam edəcəyik”, – deyə Həcəri əlavə edib. (Tass)