Polşa ABŞ prezidenti Donald Trampla sammit üçün Budapeştə gedən Rusiya prezidenti Vladimir Putini daşıyan təyyarəni endirməyə cəhd edərsə, gözlənilməz nəticələrlə üzləşə bilər. Bu fikirləri Polşalı siyasətçi, Konfederasiya hərəkatının rəhbəri Slavomir Mentzen deyib.
Mentzen X sosial media saytında Polşanın xarici işlər naziri Radoslav Sikorskinin Putinin təyyarəsinin məcburi enişinə order verməklə hədələməsini şərh edərkən, “Bir nüvə dövlətinin prezidentini daşıyan və başqa bir nüvə dövlətinin prezidenti ilə danışıqlar aparmaq üçün uçan təyyarənin qarşısını almaq son dərəcə riskli görünür və tamamilə gözlənilməz nəticələrə səbəb ola bilər” yazıb.
Bundan əvvəl Rusiyanın xarici işlər naziri Sergey Lavrov bəyan etmişdi ki, Sikorskinin Putinin təyyarəsi ilə bağlı şərhləri Polşanın terror hücumlarına hazır olduğunu göstərir. (Tass)