İsrail Beynəlxalq Ədalət Məhkəməsinin Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) yerli sakinlərə yardım göstərmək üçün Qəzza zolağına buraxılmasına dair qərarını rədd edir. Bu barədə İsrailin xarici işlər naziri Gideon Saar bildirib.
Onun sözlərinə görə, UNRWA əməkdaşları arasında Fələstinin HƏMAS hərəkatının sıralarından olan fələstinli radikallar, o cümlədən 2023-cü il oktyabrın 7-də İsrailə hücumda iştirak edənlər də var: “Biz UNRWA təşkilatı ilə əməkdaşlıq etməyəcəyik, onun əməkdaşları 7 oktyabr [2023] qırğınında iştirak etmişlər. Bu, terroristlərdən daha dəhşətli və utancvericidir. 1400 Həmas yaraqlısı hələ də UNRWA-da çalışır. Dünyada heç bir qurumun bunu İsrailə tətbiq etməyə haqqı yoxdur”. Onun sözlərini diplomatik xidmətin mətbuat xidməti yayıb.
Saarın sözlərinə görə, Beynəlxalq Ədalət Məhkəməsinin qərarları onun ölkəsinə qarşı qərəzlidir və siyasi motivlidir. “Bu, məhkəmə deyil; İsrailin düşmənlərinin bizə qarşı silah kimi istifadə etdiyi korrupsiyalaşmış siyasi sirkdir. Onlar bundan İsraili təhlükəsizliyimizi təhdid edən addımlar atmağa məcbur etmək üçün istifadə edirlər”, o hesab edir.