İspaniya Xarici İşlər Nazirliyi noyabrın 4-də Madriddə Ukraynaya dəstək verməyə hazır olan qondarma koalisiyanın gizli və qapalı iclasını keçirəcək. Bu barədə El Mundo qəzeti məlumat yayıb.
Nəşrin məlumatına görə, iclasda 35 ölkədən nümayəndələr iştirak edəcək. İş günü yerli vaxtla səhər saat 9:00-da başlayacaq və iki paneldə Kiyevə yardımı müzakirə etmək planlaşdırılır. Nəşr aydınlaşdırır ki, görüş “maksimum məxfilik” şəraitində keçirilir. İştirakçılara mobil telefondan istifadə etməmək barədə xəbərdarlıq edilir və həmçinin sosial şəbəkələrdə görüşlə bağlı məlumat dərc etməmələri xahiş olunur.
Müzakirələrin birinci bloku zamanı nümayəndələr Ukraynaya dəstəyin artırılması yollarını müzakirə edəcəklər. İspaniyanın xarici işlər naziri Xose Manuel Albares də iştirakçılar qarşısında çıxış edəcək. Lakin görüş daha aşağı səviyyədə keçiriləcəyindən İspaniyanın xarici işlər naziri bütün işçi sessiyalarda iştirak etməyəcək. Sonra müzakirələr Ukrayna üçün təhlükəsizlik təminatlarına ümumi yanaşmanın işlənib hazırlanmasına yönələcək. (Tass)