ABŞ və Çin Koreya Respublikasında iki ölkə liderlərinin danışıqları zamanı razılaşdırılmış ticarət sazişini gələn həftə imzalayacaqlar. Bu barədə Britaniyanın “Financial Times” qəzetinə ABŞ-ın maliyyə naziri Skot Bessent məlumat verib.
Oktyabrın 30-da Cənubi Koreyanın Busan şəhərində Çin Prezidenti Si Cinpin və ABŞ Prezidenti Donald Tramp arasında görüş keçirilib. Çin Ticarət Nazirliyinin məlumatına görə, liderlərin danışıqlarından sonra Birləşmiş Ştatlar Çin mallarına tətbiq edilən 10%-lik fentanil tariflərini ləğv edəcək və əlavə 24%-lik tarifin dayandırılmasını uzadacaq, Çin isə “ABŞ-ın yuxarıda qeyd olunan tariflərinə qarşı əks tədbirlərini müvafiq şəkildə tənzimləyəcək”.
Vaşinqton və Pekin bir-birinin gəmiqayırma sənayesinə qarşı tədbirlərin həyata keçirilməsini bir il müddətinə dayandırmaq barədə razılığa gəliblər. Birləşmiş Ştatlar həmçinin 29 sentyabrda elan edilmiş və sanksiyalar siyahısına daxil edilmiş Çin şirkətlərinin istənilən törəmə şirkətlərinə şamil edilən ixrac məhdudiyyətlərini bir il müddətinə dayandıracaq. Çin oktyabrın 9-da açıqlanan ixraca nəzarət tədbirlərini bir il müddətinə dayandıracaq. (Tass)